Liquores

25.03.2008

Меѓу твоите четири милиони ѕида живеам
Дишам, спијам, сонувам
Во влагата на твоите усни
Растам како богато полеван цвет
Што ми значи малку сонце низ прозорецот?
Кога туѓа е мојата храна.
Меѓу своите џиновски лалиња те барав
Замислував, создавав
Па бакнував.
Ме отру сопствениот ембрион
И немам тага, се собирам назад
Во црниот зенит на фрактали од мирен чад
Сеништата меѓу твоите четири милиони ѕида
Веќе половина секунда пеат за сираците на реалноста
Јас и ти
Што ни значи нам малку сонце низ прозорецот?
Кога длабоко во водата се нашите души.